....في خاطري خاطرة....

في خاطري كلام ودي اقوله لكل الناس.. في داخلي مشاعر ابي اخرجها بكل احساس..
في داخلي اسئله ابي القى لها جواب.. في نفسي ملامه في نفسي عتاب..
ماني مطول عليكم وبكتب الخاطرة وبكتب اللي في قلبي يمكن ارتاح....

كلنا في الدنيا نخطي .. كلنا احيا ناخذ ومانعطي.. مافي احد منا ملاك..
بس على قولهم غاية الناس صعبة الادراك..
ليه اذا خطينا في حق الناس ماتسامح.. وتلقى زعلها في تصرفاتها وحتى في الملامح..
مع انك اذا اذنبت وعصيت ورجعت لربك تايب.. يقبل توبتك ويمحي ذنوبك من الكتايب..
والبشر لو اخطيت في حقهم مايعذروك.. ولو جيتهم تعتذر مايقبلوا عذرك ويمكن
يطردوك.. وان سكت وماعتذرت تلقاهم جوك يعاتبوك..
يعني في كل الاحوال انت غلطان غلطان.. وش تبي فيهم خلك مع رب الاكوان..
هذا اللي علمتني اياه الدنيا .. اذا صاحبت اصاحب بحذر.. لان ممكن في لحظة خطا
يفرقنا غرور البشر..
وعلمتني الدنيا اذا حبيت احط لهالحب حدود.. عشان اذا فجأة تركني ورحل عن الوجود.. اقدر انساه واسحبه من حياتي .. واستمر في دنيتي
وافكر في باقي اهتماماتي..
مشكلتي زمان اذا حبيت "حبيت" وكل اللي في قلبي وفي دنيتي لهالشخص عطيت..
واذا افترقنا اعيش بألم واكتئاب .. وتنقفل في وجهي كل الابواب ..
ليش نعطي ذا كله للناس وهي ماتستاهل حبنا.. واللي اذا خطينا في حقها
بأرخص الاثمان تبيعنا..
اسمحولي ياناس واعذروني انا ماعاد ابي حب.. اعتقد يكفيني ماجاني من تعب..

انا مابي غير حبي لربي.. اللي اذا رضى عني.. حلى لي الدنيا في عيني..
واللي اذا اذنبت في حقه .. ثم جيته ندمان تايب..قبل توبتي ومن انواع السعادة عطاني..

بقلمي
الثغر الباسم

يسلموا فرتي فالك البيرق وصح لسانك [ندعوك للتسجيل في المنتدى أو التعريف بنفسك لمعاينة هذه الصورة]